هى دى اللى انت متـجوزها بقلم عزه العمروسى
حاضنها ومسيبهاش لحظة بس للأسف مبقاش ينفع ده كان حقي وأنا خسرته بنفسي!
سكت وقولتلها ليه مكنتيش بتقولي لأهلك لما بزعلك
ردت وقالت أهلي ميفرقوش حاجة عنك محدش فيهم هيجيبلي حقي جوزوني أي جوازة وبخسوا بيا عشان شكلي ودلوقتي هيخافوا يطلقوني عشان ممكن محدش يتجوزني أنا جيت الدنيا لوحدي ومليش فيها غير ربنا.
قالت كلامها ونامت مصحتش!
وحشني معاملتها الطيبة الجو الهادي اللي كانت عاملاه في البيت.
ماټت وسابت حياتي خړاب..
أنا واحد جاي أنصحكم من المستقبل وبقولكم بلاش!
بلاش تكسر مراتك لأي سبب مهما كان وحافظ على قلبها عشان مش هتلاقي قلب أطيب منه.
بلاش تكسروهم عشان كسرتهم مش سهلة.
ولازم تكون عارف إن مفيش ست كاملة مراتك اللي ملامحها مش عجباك لو شوفتها آخر ست في الدنيا وحبيتها مش هتشوف غيرها.
ومفيش ست حلوة إلا وفيها عيوب مش أي حد يعرف يتعايش معاها ويقبلها.
لو رضيت بنصيبك وبطلت تبص في رزق غيرك وعرفت قيمة الست اللي معاك هتعيش في جنتين
جنة الدنيا معاها وانت مبسوط حتى لو فيها عيوب.
وجنة الآخرة معاها برضو وهي كاملة مفيهاش عيوب.
